Skólaslit

Skólaslit fóru fram í skólanum 3. júní. Nemendur í 1.-5. bekk kl:10 og nemendur í 6.-10 bekk kl: 11

Takk fyrir frábæran vetur.

Hjóladagur

Það var hjóladagur í skólanum í dag. Þá kom lögreglan til að skoða hjólin en einnig kom Slysavarnadeild kvenna í Bolungarvík og setti upp hjólabraut með dyggri aðstoð 8. bekkjar. Þá var getraun í gangi þar sem nemendur svöruðu nokkrum spurningum og svo var dregið og fékk einn nemandi í hverjum bekk verðlaun. Konurnar í slysavarnadeildinni gáfu miðstiginu þ.e. 5.-7. bekk reiðhjólahjálma og ætla eftirleiðis að gefa 5. bekk hjálma á hverju ári. Hafið hjartans þökk fyrir konur.

Í lokin komu frábærir foreldrar og grilluðu pylsur fyrir alla.

Frábær dagur í alla staði. Takk fyrir okkur allir.

Hjóla- göngudagur

Í dag fóru nemendur og starfsfólk í hjóla og göngutúra. 8. bekkur fór hjólandi inn á Ísafjörð og gekk upp í Naustahvilft og hjólaði svo til baka. 1.og 2. bekkur fór inn í Syðridal á slóðir Þuríðar sundafyllis. 3. og 4.bekkur fóru í Ósvör og 5.-7. bekkur fóru í skógræktina og upp í Bolla. Frábær útivistardagur.

Víkingaleikar

Í dag voru Víkingaleikar. Nemendum í 1.-8 bekk var skipt í 6 hópa. Hópstjórar voru nemendur í 8. bekk og stóðu þau sig með sóma. Sex stöðvar voru og fóru hóparnir á milli stöðvanna og reyndu á með sér. Á stöð 1 voru ýmsir leikir, á stöð 2 fengu þau að sýna hreysti sína, á stöð 3 var farið í kubbaleik, á stöð 4 var frísbígolf, á stöð 5 var andlitsmálning og á stöð 6 var belgja- og boltakast. Í lokin var farið í reiptog.

Takk fyrir frábæran dag.

Busludagur

Það var busludagur í skólanum í dag. Útbúin var rennibraut og slökkviliðið sá um að allir yrðu blautir og fínir.

Frábær dagur

Lambaferð

Á dögunum fór yngstastigið í lambaferð. Farið var í Minni-Hlíð til að skoða lömbin.

Skólahreysti

Nemendur skólans tóku þátt í skólahreysti og náðu 3. sæti í sínum riðli.

Til hamingju krakkar.

Árshátíðin

Árshátíð skólans var haldin 3. mars. Þar kenndi margra grasa. Unglingarnir sýndu leikritið Fía sól, 1. bekkur tók lagið Burtu með fordóma, 2. bekkur söng , 3. bekkur sýndi Thriller dansatriði, 4.-5. bekkur söng lagið Ég er komin heim líka á táknmáli, 6. bekkur söng lag úr Hróa hetti og 7. bekkur sýndi frumsamið ævintýraleikrit.

Takk fyrir frábæra árshátíð.

Stóra upplestrarkeppnin 23. febrúar

Stóra upplestrarkeppnin er haldin árhvert í skólum landsins. Hver skóli heldur sína keppni þar sem fulltrúar skólans eru valdir til að fara í svæðiskeppni. Nemendur 7. bekkjar undirbúa sig fyrir keppnina frá 16. nóvember en keppnin er haldin í febrúar. Flottir krakkar hér á ferð.

Öskudagur - 10. feb

Í dag var öskudagur og þá komu allir í búningum. Um níu leytið komu allir fram á hol til að syngja saman og svo var farið í skrúðgöngu um skólann. Nemendur fengu vöfflu með rjóma og svo var dansað á sal . Frábær dagur.